如何選擇 Eye Lighter 閱讀輔助尺 的顏色？
【美國Eye Lighter閱讀輔助尺】
改善讀寫障礙人士閱讀效能
提升閱讀時的專注力
有留意開我哋啲產品嘅話，應該都好熟悉呢把Eye Lighter閱讀輔助尺
Eye Lighter係一把硬膠間尺，唔易斷裂
雖然話係一把間尺，但佢上面並無刻度、數字
佢有嘅係兩個不同寬度嘅斜面，用於閱讀唔同大小嘅印刷字，可以幫助讀寫障礙人士減少跳行嘅狀況，亦可以幫助一般人士閱讀時提升專注力
閱讀時，察覺到上文下理嘅關連，對於理解文意十分重要
使用Eye Lighter嘅斜面閱讀，一方面可以專注於現時閱讀嘅行數，避免跳行，另一方面上下文亦繼續逗留喺視野之內，唔怕lost track咗上下文意
Eye Lighter總共有六種顏色，店主被問得最多嘅係，點揀顏色呢？
首先，如果用者本身有艾蘭綜合症(光敏感)，咁就要揀返最適合佢嗰種顏色
而對於其他用者，可以參考以下店主自己嘅少少觀察
黃色係最受歡迎嘅顏色，因為佢好似熒光筆咁，好容易得到用者嘅專注，但另一方面，呢隻黃色真係好 sharp，如果唔習慣，睇耐咗有機會容易眼攰
橙色亦係近似熒光筆嘅顏色，sharp得嚟冇黃色咁搶眼
綠色都十分受歡迎，原因係綠色養眼，睇落去舒服，Eye Lighter 嘅綠色偏青一點，所以亦近似熒光色
藍色店主認為係六隻色中最中肯嘅顏色，唔會太sharp但亦做到吸引眼球嘅效果，顏色唔會太沉
粉紅色最受女仔歡迎，有間女校每年都同我哋訂幾十把 
紫色係店主覺得睇落去最舒服嘅顏色，因為間尺上斜面同平面之嘅喺對比度較大，最能夠避免跳行，但另一方面亦代表間尺整體顏色係六隻色入面最深沉的
希望以上資訊可以幫大間㨂到一把適合你個人需要嘅 Eye Lighter 啦！
