Wilbarger Therapressure Brush 觸覺刷的用法

【美國 Wilbarger Therapressure Brush觸覺刷】

紓緩感統狀況
改善對環境改變的調適能力
提升專注力

近期好多家長問店主觸覺刷要點刷先啱，於是店主的起心肝重睇一次 Wilbarger Protocol 嘅資料，並整合咗以下重點，同大家分享一下

開始前戴返個頭盔先

始終每個小朋友嘅實際狀況唔同，以下資料只供參考，家長最好都係問返自己嘅OT，再決定是否、如何使用觸覺刷

有關頻率

建議開始計劃的兩星期每1.5-2小時進行一次，而且最好是定時的，建立rountine (常規)，以達致最佳效果

兩星期後按治療師建議，減低頻率

有關力度

力度必須要firm(堅穩)，大力到足以令刷毛微微彎曲，以確保不會有搔癢的不適感

一個適合的觸覺刷在此力度下不應造成疼痛感的，反而用者會感受到舒適的按壓感，所以唔係求其一個刷就可以拎嚟刷㗎

有關部位

手臂、大小腿、背部

切勿於臉部、胸腔的位置刷，以免造成嘔吐反應

有關方向

打直定打橫拎個刷？向上刷定向下刷？呢兩個係店主最常被問嘅問題，坊間似乎亦有唔同講法，但參考返資料，原來有答案的

首先，如果係直接刷喺皮膚上，個刷就打橫拎；

刷喺衣物上的話，個刷就打直拎，並且要拉直衣服以免起皺摺；

而刷嘅時候亦要有一致性，唔好喺皮膚過渡至衣物上/衣物過渡至皮膚上，否則會造成不適感

咁向上刷定向下刷呢？呢個係最多人關心嘅問題，但原來兩個方向都得，更正確嘅方法係，以W型嘅軌跡去刷，喺*整隻*手臂/大小腿*唔拎起個刷*上下來回，路徑唔好重疊，形成W型嘅軌跡

有關下數

每次刷幾多下？

有人話三下，有人話十下，但睇返資料，似乎幾多下唔係重點，重點係W軌跡要不重複地覆蓋整個四肢及背部，所以人大啲下數可能多啲，細粒啲就少啲

刷完之後

最容易被忽略的部份，Protocol建議刷完之後配合關節按壓，效果最佳

講完戴多次頭盔

店主發現中文的相關資料較缺乏，90年代出版的Wilbarger Protocol原文亦未有方式取得，以上要點均摘錄自英文的星兒或OT資源網站，參考資料放在留言區供大家查閱，如有錯漏祈為指正

觸覺刷始終係治療工具，使用前請先咨詢職業治療師意見