proButton™ 與 proBarbell™

【美國 ARK proButton™ 鈕扣合唇及力度訓練套裝】
【美國 ARK proBarbell™ 啞鈴合唇及力度訓練套裝】

合唇控制及力度訓練

有留意開 ARK 嘅口肌訓練工具嘅話，一定都有聽過 proButton™ 呢套工具

proButton™ 嘅設計係取自傳統嘅口肌合唇訓練方式 —— 以一條縫線穿過一粒鈕扣，並將鈕扣放於牙齒及嘴唇之間，由治療師拉扯縫線，而受訓者則需含住鈕扣唔好被拉走，從而訓練合唇控制及力度

proButton™ 將呢個傳統訓練方式改良，一體成型、冇鬆散部件嘅訓練棒可以去除窒息嘅風險；亦較易清潔，更加衞生
四種唔同大小嘅「鈕扣」亦可配合唔同年紀及訓練程度（越細粒嘅「鈕扣」難度越高）
除咗傳統嘅拉扯訓練方式之外，proButton™ 亦可配合其他方式作出訓練，例如由受訓者自己 hold 住訓練棒，或將訓練棒由齒前空間的一邊傳送到另一邊 (詳情請見文末影片)

同樣都係訓練合唇控制及力度，新出嘅 proBarbell™ (圖下) 同 proButton™ (圖上) 又有咩分別呢？

proBarbell™ 係取自另一種傳統嘅口肌合唇訓練方式 —— 在壓舌棒兩端放上硬幣，受訓者嘴唇含住壓舌棒中間，作負重訓練，以訓練合唇控制、力度、耐力

proBarbell™ 嘅設計亦將呢項傳統訓練方式加以改良，同樣都係一體成型、冇鬆散部件，可去除窒息嘅風險，並更清潔衞生
另一方面，佢可愛嘅啞鈴外型唔單止將訓練方式具體化（好似嘴唇舉啞鈴咁），亦更吸引孩子嘅目光並依從訓練
藍色嘅 proBarbell™ 較輕，每邊為一個四分美元嘅重量(約5.67g)，綠色 proBarbell™ 則每邊為兩個四分美元嘅重量(約11.34g)，方便作循序漸進嘅訓練

合唇訓練對進食、進飲技巧、流涎控制、發音等都有幫助，但始終係專業治療工具，家用前最好都係先咨詢言語治療師意見

 

參考影片：
https://youtu.be/6dDk4lzYro0

 

按此瀏覽 美國 ARK proButton™ 鈕扣合唇及力度訓練套裝

按此瀏覽 美國 ARK proBarbell™ 啞鈴合唇及力度訓練套裝