精油可否長時間使用？
【美國 Plant Therapy 兒童安全精油系列】
間唔中就會有客人問
精油係唔係可以長時間擴香？
點解隻精油用耐咗就好似冇乜效咁？
如果大家有留意我哋網站上唔同精油嘅用法，應該會留意到好多時擴香嘅建議用法都會列明 「30分鐘擴香-30分鐘暫停」循環擴香，咁係因為當長時間接觸住同一種物質、訊號時，身體會漸漸對呢種物質麻木咗，就好似長時間聞住同一種味時，個鼻都會開始聞唔同嗰隻味咁
所以，擴香嘅時候都會建議大家中間暫停一下，一嚟個身體其實已經接收咗足夠嘅訊號，效用可以維持到一段時間，二嚟繼續擴香個身體都唔會接收到，暫停可以幫助個訊號接收系統reset，同時節省精油用量
同一個原理，當長期都用同一種精油，身體長期都接收同一種訊號，身體亦會漸漸習慣咗嗰種物質、訊號，精油嘅效用就會隨時日減低，亦因為咁好多時候香薰治療師都會建議大家大約每三個月左右就換一種精油配方，用新嘅物質重新刺激身體
以下圖片顯示咗三對 Plant Therapy 兒童安全複方精油中最受歡迎嘅配方，每一對都有相似功效但不同配方，當大家用耐咗其中一種複方精油後，可以換佢旁邊嗰一個配方，兩個配方輪流替換，帶嚟最大效果
按此瀏覽 美國 Plant Therapy 兒童安全精油系列