提升專注力感統坐墊點樣揀？

Bouncyband 有兩款唔同嘅坐墊，有時都會有治療師或家長問我哋兩款有咩分別，應該點揀，今日就同大家講解吓啦

------

圖片上面正方形嗰款，叫做Antimicrobial Wedge Sensory Cushion 抗菌斜面感統坐墊，

而圖片下方圓形嗰款，叫做Wiggle Seat 搖擺觸覺坐墊

先睇吓佢哋提供嘅觸覺刺激：

抗菌斜面感統坐墊 嘅一面有凸起嘅圓點可提供觸覺刺激，另一面則係完全平滑；

搖擺觸覺坐墊 前後兩面都有凸起嘅圓點，一面凸起多啲，另一面係相對平滑啲嘅圓點，可以提供兩種唔同程度嘅觸覺刺激，

如果用者需要較多嘅觸覺刺激，搖擺觸覺坐墊 所提供嘅觸覺刺激會更強烈啲

另一個感統坐墊最重要嘅功能就係提供本體覺刺激：

兩款坐墊本身都可以靠調節充氣量，去改變用者身體可以擺動嘅程度，從而提供本體覺刺激，

但由於抗菌斜面感統坐墊 嘅厚度及直徑都較搖擺觸覺坐墊 短，

所以 搖擺觸覺坐墊 可以提供更大程度嘅身體郁動，從而提供更強烈嘅本體覺

至於其他功能及特性方面：

Antimicrobial Wedge Sensory Cushion 抗菌斜面感統坐墊 顧名思義，本身物料有抗菌特性，可以抵抗大腸桿菌、真菌、霉菌等，而且唔會因為用耐咗或清洗而失去抗菌功能

另外，佢本身內置嘅手把可以方便拎到唔同地方使用，加上佢相對細小嘅尺寸 (25x25cm，圖片盡量按比例放置)，特別適合幼兒使用及帶到唔同活動當中使用，

而佢斜面嘅設計亦可作感統腳踏使用

Wiggle Seat 搖擺觸覺坐墊 尺寸較大 (直徑 33cm，圖片盡量按比例放置)，對於大童至成人會較為適合

另外，亦可讓用者站立喺上面作核心肌肉訓練之用