單方、複方與滾珠裝精油

【美國Plant Therapy芳香療法系列】

紓壓、緩解焦慮
提神、幫助專注
作為輔助療法或感統訓練
肌肉放鬆、按摩、護膚等

對於未接觸過精油嘅客人，眼前有咁多款式真係好難選擇

今日就同大家解釋一下究竟三款包裝、種類嘅精油有咩分別啦

滾珠裝精油

對於精油新手嚟講，滾珠裝精油最易上手
滾珠裝精油係配方精油，製造商已經按不同功效調配好，再用分餾椰子油稀釋至適合直接搽喺皮膚上嘅濃度

滾珠裝精油可以搽喺後頸、手腕、太陽穴等嘅位置，透過皮膚吸收，發揮功效
(如果係針對某一部位嘅精油，就直接搽喺患處)
細細枝嘅滾珠裝精油可以隨身攜帶，有需要時就直接拎出嚟喺皮膚上碌，十分方便！

但另一方面，由於滾珠裝精油已稀釋，就唔適合用嚟擴香啦，如果想用配方精油擴香，就可以考慮複方精油

複方精油
複方精油同滾珠裝精油一樣，都係製造商針對唔同功效已經調配好嘅配方，唔同嘅係，複方精油冇預先稀釋，係100%精油，所以如果想直接使用係皮膚上，就需要自己使用基底油稀釋，或者加入身體乳霜、按摩油、浸浴等使用，而精油嘅濃度唔可以大於5%

另外，複方精油可以用嚟擴香，加入幾滴喺擴香機中，就可以令整個空間充滿令人放鬆嘅氣味

擴香嘅精油透過嗅覺神經直接上到腦部，對於一啲神經系統相關嘅功效，例如紓壓、提神、專注等特別有效

單方精油
單方精油就係由單一種植物萃取嘅精油
對於對精油有一定認識嘅人士，就可以選擇單方精油，自己配搭鍾意嘅氣味去達致目標嘅功效

無論係使用邊一種精油都好，記住精油本身雖然係天然有機化學物質，但濃度極高，搽喺皮膚前記住要稀釋至適合濃度；就算聞精油，都唔好長期拎住個樽就咁聞呀，用3-5滴擴香就已經好足夠

如果用錯嘅話，都係有機會造成敏感或者灼傷皮膚/氣管㗎

但用得啱又選擇到適合自己嘅精油時，芳香療法對唔同人士、身心靈各方面都可以有唔錯嘅功效呢