《你們笑吧，我有我成長的步伐》
【學習接納·童悅繪本 - 你們笑吧，我有我成長的步伐】
學習接納孩子的成長步伐
竹筍
生長喺芒草
旁邊已經5年了，但都只係長到去芒草腳邊，顯得特別渺小
竹筍仲經常俾芒草取笑佢唔會長高，俾風兒取笑佢根本冇做嘢
竹筍話：我每日都好努力喺地底生長呀，只係你哋睇唔見
雨季嚟到，連續落咗好多日雨之後，芒草都被淋到貼喺地面企唔直啦，佢哋抬頭一望，見到一棵好高好綠嘅樹！
令佢哋驚訝嘅係，原來呢棵唔係樹，係竹筍長成又高又直嘅竹子
啦!
而且，自此之後竹子都可以為芒草遮風擋雨，而透過竹子細長嘅葉子，芒草就可以得到所需嘅陽光
《你們笑吧，我有我成長的步伐》不單只適合小朋友睇，對家長可能係更大嘅提醒呢！
喺我哋身處嘅社會風氣底下，家長少不免會對孩子有一啲期望，甚至會將自己嘅孩子與其他孩子比較。其實喺心理學角度，家長比較嘅說話，唔單只唔能夠令孩子更努力，反而會令佢哋覺得挫敗而失去動力，甚至形成咗自己永遠都比人差嘅自我形象呢！
另一方面，有時孩子亦會暗地裏將自己同同學比較，覺得自己能力比人弱而沮喪甚至放棄呢！我哋都好容易忽視咗，成長並不能一蹴而就，而係由基礎一點一滴累積，而且不一定可以喺表面觀察得到
有一日當你發現孩子的進步時，你可能會驚訝於佢原來成長咗咁多呢！